موضوع عن ( تربيه الحرباء )
====================
اول حاجه قبل متربي حربايه اعرف ان اكلها بيعتمد علي (الحشرات) اعتماد كامل
ومفيش حربايه بتاكل ( بيييض)
تبتدي بقا تفكر ايه الحشرات اللي ممكن تربيها عندك وتفرخها بحيث انك تقدر تاكل الحربايه باستمرار
والحشرات هي ( صرصار الكريكت - ودود القبابي)
ونصيحه لو هتختار مبينهم انهي حشره تربيها يبقي الكريكت
*اول حاجه ممكن تعتمد عليه ف التاكيل مدي الحياه
*تاني حاجه سهل جدا جدا وهتشوف قي الشرح بتاع طريقه تربيته وتفريخو
طريقه تربيه صرصار الكريكت والتفريخ
============================
الطلبات اللي هتحتاجها =
_علبه بلاستيك كبيره (٤٠ سم مثلا) سعرها يتراوح بين (٢٥-٣٠) جنيه
_علبه بلاستيك حجم متوسط ودي هتعرف مهمتها وانا بشرح
_علبه زبادي او علب في نفس شكلها كدا او اكبر
_شويه بيتموس قليلين او تربه صيناعيه
_كراتين بيض
طريقه العمل
==========
هتجيب العلبه البلاستيك الكبيره تعمل فيها اخرام تهويه في الغطا بتاعها
وبعد كدا هتجيب كراتين البيض هتقطعها مسطتيلات اد بعض وتحطهم فوق بعض وبعدها تحطها في العلبه في اي جنبه ودي عباره عن مخابئ للكريكت
وتجيب علبه الزبادي وتحط فيها البيتموس. ودي بتبقي المكان اللي هي بيضو فيه
وتذود شويه ديكورات بقي زي انك تجيب بكره مناديل فاضيه وتحطها جوه العلبه وكدا. اكلمك بقي عن مهمه العلبه التانيه مهمتها. انك لما تحط البيتموس الصراصير هتبيض عليه فهتنقل البيتموس في العلبه دي عشان البيض يفقس فيها وتحط البيتموس تاني ف العلبه عشان يبيضو تاني وبتنقلو كل اسبوع للعلبه اللي هيفقسو فيها كدا انت جهزت العلبه انها تستقبل المجموعه اللي هتجيبها من الصراصير
لازم بقا تعرف الغذاء بتاعهم ايه
#غذاء_صرصار_الكريكت
==================
_رده شوفان
_دراي فود قطط
_اكل سمك الزينه
_ الخضروات الورقيه بانواعها زي الخص الكابوتشا والجرجير
_________،،___________________________،،،،،،_________________
كدا انت جاهز انك تجيب مجموعه كريكت وممكن تجيب مبين ١٠ ل٢٠ صرصار سعر الصرصار ١.٥
جبت المجموعه عايز تعرف الدكر من النتايه ازاي هقولك
#طريقه_التفرقه_في_الجنس_عند_صرصار_الكريكت
======================================
سهل جدا الانثي ليها انبوب في الخلف ودا انبوب البيض والذكر لا
جبت المجموعه وحطتها في العلبه و والعلبه كانت جهزه اكلتهم كويس نقلت البيتموس بعد اسبوع في علبه الفقس وحطيت بدالو جديد عند الاهالي
هتستني هيفقص من اسبوع ل٣ اسابيع حسب الحراره المكان
هتلاقيهم صغيرين اكلهم زي مبتاكل الكبرا لما يكبرو انقلهم للعلبه عشان يبدؤ يبيضو هما كمان ويتجوزو ===========================================================
بعد مبقي عندك انتاج من الحشرات وجاهز انك تجيب حربايه
اول حاجه هتعملها تجهيز المكان
#طريقه_تجهيز_حوض_للحرباء
=======================
الطلبات اللي هتحتاجها =
_حوض ازاز او قفص واسع
_طبق مسطح للماء
_اغصان شجر
_فرش للارضيه ( رمل _ورق جرنال)
_هتجيب الحوض هتفرش فيه نوع الفرش اللي اخترتو هتحط الطبق المسطح وترص الاغصان بشكل حلو وتركب لمبه مصدر اضاءه وحراره
#معلومه_هامه
متنساش تعرض الحربايه للشمس
وبعد كدا جيب الحربايه مبروك عليك واكلها من حشرات اللي هي من انتاجك
ولو حاسس انك مش هتعرف تربيها متربيهاش #لانها_روح_هتتسئل_عليها
يارب الموضوع يكون عجبكم
يريت كلو اللي يقراء الموضوع يكتب رايو حتي لو هينتقد عادي
ولسه اللي جي احلي
إرسال تعليق